شادی کی پہلی رات۔ اور شاعر

________________________

کیا بتائیں وصل کی شب کیا ہوا

شاعری کا بھوت تھا سر پر چڑھا

شعر گوئی ہو رہی تھی ایک طرف

اور دولہن سورہی تھی ایک طرف

شعر کے اوزان میں کرتا تھا بات

آگے تھا استاد سے دو چار ہاتھ

یوں پھنسا مصرع سویرا ہو گیا

دور نظروں سے اندھیرا ہو گیا

اٹھ کے بستر سے دولہن کہنے لگی

بھاڑ میں جائے یہ تمہاری شاعری

فاعلاتن۔ فاعلاتن فاعلات

مار کے کہنے لگی وہ مجھ کو لات

رات بھر تم شعر کہتے رہ گئے

دل کے ارماں انسوؤں میں بہہ گئے