🕋 લોકોના એબો (દોષો) પરથી નજર હટાવી લો અને તમારા નફ્સ (પોતાના આત્મા) નો હિસાબ લેવામાં બેદરકારી ન દાખવો 🕋

હઝરત સૈયદ અહમદ રિફાઈ રહમતુલ્રાહી અલૈહ એ ઈરશાદ ફરમાવ્યો કે:

લોકોની નામૂસ (આબરૂ/ઇજ્જત) પરથી પણ તમારી નજર હટાવી લો, બૂરા કામો તો એક તરફ રહ્યા, કારણ કે જેવું કરશો તેવું ભરશો. જો તમારી પાસે એક આંખ છે, તો બીજાઓ પાસે ઘણી બધી આંખો છે. જેવા તમે પોતે હશો, તેવો જ અફસર (શાસક) તમારા પર નીમવામાં આવશે. તમારી જીભને મખ્લૂક (લોકો) ને બૂરું કહેવાથી રોકી લો, કારણ કે જો તમારી પાસે એક જીભ છે, તો મખ્લૂક પાસે ઘણી બધી જીભો છે. તમારા પોતાના દોષોની અંદર નજર કરવી તમારા માટે પૂરતી છે. જેવું તમે બીજાઓ વિશે કહેશો, તેવું જ તેઓ તમારા વિશે કહેશે. દરરોજ તમારા નફ્સના (કર્મોનો) હિસાબ લો, અલ્લાહ તઆલા પાસે પુષ્કળ પ્રમાણમાં ઇસ્તગફાર (ક્ષમા યાચના) કરો, અને તમારા નફ્સના હકીમ (વૈદ્ય) તેમજ માર્ગદર્શક બનો. કારણ કે જ્યાં સુધી તમને પોતાને તમારા સુધારાની ચિંતા અને સીધા માર્ગની ચાહના નહીં હોય, ત્યાં સુધી કોઈ મુર્શિદ (ગુરુ) કે આધ્યાત્મિક હકીમ કંઈ જ કરી શકશે નહીં. પોતાના નફ્સનો હિસાબ લેવામાં બેદરકારી ન કરો અને હઝે નફ્સ (નફસાની ઇચ્છાઓ/વાસનાઓ) માં વ્યસ્ત રહેવાથી બચો.

(અલ્લાહ તઆલા સૌને ઉપરોક્ત કથન પર અમલ કરવાની તૌફીક (શક્તિ) અર્પણ કરે) આમીન

[બુન્યાદુલ મુશય્યદ, પાના નંબર ૧૯૩]

સૈયદ ઉલ અવલિયા હઝરત સૈયદ અહમદ રિફાઈ

પ્રસ્તુતકર્તા: દારુલ ઇફ્તા, ઇદારા ફૈઝે શેખ ઝકરિયા, અમદાવાદ (ગુજરાત)