જરા હસી લો.
એક પ્રખ્યાત વાર્તા છે કે 🤭😂
એક વિદ્યાર્થીને શિક્ષકે પરીક્ષામાં નપાસ (ફેલ) કરી દીધો, વિદ્યાર્થી ફરિયાદ લઈને પ્રિન્સિપાલ પાસે ગયો કે મને ખોટી રીતે ફેલ કરવામાં આવ્યો છે. પ્રિન્સિપાલે શિક્ષક અને વિદ્યાર્થી બંનેને બોલાવ્યા અને શિક્ષકને ફેલ કરવાનું કારણ પૂછ્યું. શિક્ષક સાહેબે જણાવ્યું કે આ છોકરાને ફેલ કરવાનું કારણ એ હતું કે તે હંમેશા વિષય (ટોપિક) ની બહાર નીકળી જાય છે; જે વિષય પર તેને નિબંધ લખવા માટે આપવામાં આવે, તેને છોડીને તે પોતાના મનપસંદ વિષય પર ચાલ્યો જાય છે.
પ્રિન્સિપાલે કોઈ ઉદાહરણ પૂછ્યું તો શિક્ષક સાહેબે જણાવ્યું કે
એકવાર મેં તેને વસંત ઋતુ (બહાર) પર નિબંધ લખવા કહ્યું તો તેણે કંઈક આ રીતે લખ્યું:
વસંત ઋતુ એક ખૂબ જ ઉત્તમ ઋતુ હોય છે અને તેના દ્રશ્યો ખૂબ જ મનમોહક હોય છે. આ ઋતુમાં ચારેય તરફ હરિયાળી જ હરિયાળી હોય છે અને વનસ્પતિ પુષ્કળ પ્રમાણમાં થઈ જાય છે. આ ઋતુને ઊંટ ખૂબ પસંદ કરે છે અને ઊંટ ખૂબ જ શક્તિશાળી પ્રાણી છે. તે રણનું વહાણ કહેવાય છે. ઊંટ અત્યંત સહનશીલ પ્રાણી છે. લાંબી-લાંબી મુસાફરી પર નીકળે છે અને વધુ દિવસો ભૂખ અને તરસ સહન કરવાની ક્ષમતા ધરાવે છે. આરબના લોકો ઊંટને ખૂબ પસંદ કરે છે.......................વગેરે વગેરે.
પ્રિન્સિપાલ સાહેબે કહ્યું કે બની શકે કે કોઈ સંબંધને કારણે તે વસંતના બદલે ઊંટ પર લખી બેઠો હોય, તમારે તેને કોઈ બીજો વિષય આપીને જોવો જોઈતો હતો.
શિક્ષક સાહેબે કહ્યું કે મેં એકવાર તેને કહ્યું કે તું એવું કર કે જાપાનમાં ગાડીઓની ફેક્ટરી પર નિબંધ લખ. એ વિદ્યાર્થીએ જે નિબંધ લખ્યો તે કંઈક આ પ્રમાણે હતો:
જાપાન એક વિકસિત દેશ છે અને ગાડીઓના ઉદ્યોગમાં તેને એક અનોખું અને ઉચ્ચ સ્થાન પ્રાપ્ત છે. ગાડીઓની નિકાસ કરવામાં જાપાન દુનિયામાં પ્રથમ નંબરે છે. આપણા દેશમાં પણ મોટાભાગની ગાડીઓ જાપાનની વપરાય છે, પરંતુ સમસ્યા એ છે કે આપણા દેશમાં પેટ્રોલની કિંમત ખૂબ વધારે છે, તેથી આપણે સવારી માટે ઊંટનો ઉપયોગ કરવો જોઈએ. ઊંટ ખૂબ જ શક્તિશાળી પ્રાણી છે. તે રણનું વહાણ કહેવાય છે. ઊંટ અત્યંત સહનશીલ પ્રાણી છે. લાંબી-લાંબી મુસાફરી પર નીકળે છે અને વધુ દિવસો ભૂખ અને તરસ સહન કરવાની ક્ષમતા ધરાવે છે. આરબના લોકો ઊંટને ખૂબ પસંદ કરે છે.......................
પ્રિન્સિપાલ ખૂબ જ આશ્ચર્યચકિત થયા, તેમણે કહ્યું કે કદાચ સવારીના કારણે આવું થઈ ગયું હશે, તમે બિલકુલ અલગ વિષય આપીને જોયો હોત. શિક્ષક સાહેબે કહ્યું જી, એકવાર મેં બિલકુલ અલગ વિષય આપ્યો જેમાં ઊંટનો ઉલ્લેખ આવવો અશક્ય હતો. મેં તેને કમ્પ્યુટર પર નિબંધ લખવા કહ્યું, પરંતુ તેણે જે નિબંધ લખ્યો તે કંઈક આ રીતે હતો:
કમ્પ્યુટર એક અત્યંત અદ્ભુત શોધ છે. જે કામ પહેલા વર્ષોમાં થતા નહોતા, તે આજે સેકન્ડોમાં થાય છે. કમ્પ્યુટરનો માનવ જીવન પર બહુ મોટો ઉપકાર છે. આજકાલની નવી પેઢી કમ્પ્યુટરને ખૂબ વધારે મહત્વ આપે છે. આનો ઉપયોગ મોટાભાગે એ લોકો કરે છે જેઓ શિક્ષિત હોય. પરંતુ જ્યાં સુધી અશિક્ષિત વર્ગનો સંબંધ છે, તેઓ કમ્પ્યુટર પર ધ્યાન આપતા નથી કારણ કે તેઓ અન્ય પ્રવૃત્તિઓમાં વ્યસ્ત રહે છે. ખાસ કરીને રણમાં જે બદુઓ (વિચરતી જાતિ) રહે છે, તેમને તો કમ્પ્યુટરના કક્કા-બારાખડીની પણ ખબર નથી. તેથી આપણા વિસ્તારમાં આ લોકો મોટાભાગનો સમય ઊંટ સાથે વિતાવે છે. ઊંટ ખૂબ જ શક્તિશાળી પ્રાણી છે. તે રણનું વહાણ કહેવાય છે. ઊંટ અત્યંત સહનશીલ પ્રાણી છે. લાંબી-લાંબી મુસાફરી પર નીકળે છે અને વધુ દિવસો ભૂખ અને તરસ સહન કરવાની ક્ષમતા ધરાવે છે. આરબના લોકો ઊંટને ખૂબ પસંદ કરે છે.......................
પ્રિન્સિપાલે આ સાંભળીને કહ્યું કે તો પછી તમે બરાબર ફેલ કર્યો, પછી વિદ્યાર્થીને કહ્યું કે હું તને એક તક આપું છું, તું અહીં જ બેસીને એક નિબંધ લખ જે વિષયથી આજુબાજુ ન હટે. વિદ્યાર્થી માની ગયો અને પ્રિન્સિપાલે તેને રોડ અકસ્માત (રોડ એક્સિડન્ટ) પર નિબંધ લખવા કહ્યું...
તો વિદ્યાર્થી આ રીતે નિબંધ લખે છે:
એકવાર હું રિયાધથી મક્કા જઈ રહ્યો હતો. મારી પાસે હોન્ડા ગાડી હતી જે બહુ મસ્ત હતી. હું સાહેબ, હાઈવે પર ખૂબ જ તેજ ગતિ સાથે જઈ રહ્યો હતો. હું એવા વિસ્તારમાંથી પસાર થઈ રહ્યો હતો જ્યાં ઊંટ રોડ ક્રોસ કરે છે. અને ઊંટની ખાસ વાત એ છે કે તે ગાડીથી ડરતો નથી અને દૂર પણ હટતો નથી. ઊંટ ખૂબ જ શક્તિશાળી પ્રાણી છે. તે રણનું વહાણ કહેવાય છે. ઊંટ અત્યંત સહનશીલ પ્રાણી છે. લાંબી-લાંબી મુસાફરી પર નીકળે છે અને વધુ દિવસો ભૂખ અને તરસ સહન કરવાની ક્ષમતા ધરાવે છે. આરબના લોકો ઊંટને ખૂબ પસંદ કરે છે..........
જ્યારે પ્રિન્સિપાલ સાહેબે આ નિબંધ વાંચ્યો તો માથું પકડીને બેસી ગયા અને કહ્યું કે તારો કોઈ ઈલાજ નથી અને તેને ફેલ કરી દીધો.
હવે સાહેબ, આ વિદ્યાર્થીની શંકા ખાતરીમાં બદલાઈ ગઈ કે તેની સાથે ચોક્કસપણે અન્યાય થયો છે અને તેણે શિક્ષણ વિભાગને એક અરજી લખી:
માનનીય સાહેબ...!
હું મારા ક્લાસનો એક અત્યંત બુદ્ધિશાળી વિદ્યાર્થી છું અને મને વાર્ષિક પરીક્ષામાં જાણીજોઈને ફેલ કરવામાં આવ્યો છે. મારા શિક્ષકે મારી યોગ્યતાના કારણે મને ફેલ કર્યો છે. સાહેબ, મેં મારા શિક્ષકના અસહ્ય વર્તન પર એવી જ રીતે ધીરજ (સબ્ર) રાખી જેમ ઊંટ પોતાના માલિકના ત્રાસ પર ધીરજ રાખે છે. માલિક ઊંટ પાસેથી પોતાનું કામ પણ કઢાવે છે અને તેને હેરાન પણ કરે છે. અને હા, એ પણ જણાવતો જાઉં કે ઊંટ ખૂબ જ શક્તિશાળી પ્રાણી છે. તે રણનું વહાણ કહેવાય છે. ઊંટ અત્યંત સહનશીલ પ્રાણી છે. લાંબી-લાંબી મુસાફરી પર નીકળે છે અને વધુ દિવસો ભૂખ અને તરસ સહન કરવાની ક્ષમતા ધરાવે છે. આરબના લોકો ઊંટને ખૂબ પસંદ કરે છે...................
🫢🤭😂
સાભાર (મેનકૂલ)
