👈 વફાદાર પત્નીનો હેરાન કરી દેનારો કિસ્સો!

એક માણસના ઘરના લોકોએ પોતાની પસંદગીના લગ્ન કરાવ્યા, તે માણસ આ સંબંધથી ખુશ નહોતો. પહેલા દિવસથી જ તેણે પોતાની પત્નીને પત્ની ન સમજી, પરંતુ માત્ર તેને પોતાની નોકરાણી સમજતો હતો. ક્યારેય તેણે પોતાની પત્ની સાથે હસી-મજાક ન કરી, બસ હર હંમેશ તે તેને માત્ર રોફ સાથે કામ ચીંધી દેતો અને પત્ની પણ એવી સાબિર (ધીરજવાન) હતી કે હુકમ સાંભળતા જ એ કામમાં લાગી જતી હતી અને ધીરજ રાખીને પોતાના સેવાના કામોમાં લાગેલા રહેવું એ તેનો સ્વભાવ હતો. પત્નીનો ઝાલિમ પતિ જરાક સરખી ભૂલ અને ખામી પર તેને ખૂબ મારતો અને પીટતો હતો. પત્નીને બિલકુલ એ હક નહોતો કે તે ક્યારેય કોઈ વાત તેને પૂછી શકે. આખરે પતિએ વિચાર્યું કે કેમ નહિ આનાથી હંમેશા માટે જીવ છોડાવી લેવામાં આવે. હવે તે પોતાની વફાદાર પત્નીના મોત માટે પોતાના મિત્રો પાસે જઈને તેને મારવાની જુદી-જુદી યુક્તિઓ શોધવા લાગ્યો. આખરે એક યુક્તિ પર સહમતિ થઈ કે મીઠાઈ બનાવવામાં આવે અને તેમાં ઝેર ભેળવીને પત્નીને ખવડાવી દેવામાં આવે, આ રીતે તેનો ખેલ ખતમ થઈ જશે. પતિ પત્ની પાસે તે ઝેરી મીઠાઈ લાવ્યો અને ખૂબ પ્રેમથી કહેવા લાગ્યો, "આને ખાઈ લે." પત્ની તેની જિંદગીમાં પહેલીવાર આટલો પ્રેમ જોઈને ખૂબ ખુશ અને આશ્ચર્યચકિત થઈ ગઈ અને તેને એ પણ ખાતરી થઈ ગઈ હતી કે આ મીઠાઈમાં ઝેર છે. પતિએ કહ્યું, "આને ખાઈ લે." પત્નીએ ત્રણ વાર પૂછ્યું, "ખાઈ લઉં?" તે ઝાલિમે પણ ત્રણેય વાર એ જ કહ્યું કે "ખાઈ લે." આ બેમિસાલ આજ્ઞાકારી પત્નીએ તે ઝેરી મીઠાઈને પતિનો હુકમ સમજીને ખાઈ લીધી. ખેર, તે ઝાલિમ પતિ બહાર ચાલ્યો ગયો અને મિત્રો સાથે જઈને પત્નીના મોતના આનંદની ઉજવણી કરવા લાગ્યો અને તેના મોતના સમાચાર સાંભળવાની રાહ જોવા લાગ્યો કે હમણાં તેના મોતના સમાચાર આવશે. તે આ વિચારી જ રહ્યો હતો અને અંદર અંદર ખુશ પણ હતો, એટલામાં એક માણસ દોડતો આવ્યો અને કહેવા લાગ્યો કે, "જલ્દી ઘરે ચાલો, તમારી પત્નીના છેલ્લા શ્વાસ ચાલી રહ્યા છે અને તે વારંવાર તમારું નામ લઈ રહી છે." જ્યારે આ ઝાલિમ પતિ ઘરે પહોંચ્યો તો પત્ની સામે પડી હતી, મોઢામાંથી ફીણ નીકળી રહ્યા હતા અને જિંદગી-મોતની લડાઈ લડી રહી હતી. જ્યારે આ નજીક ગયો તો પત્ની, જેમાં ઊભા થવાની તાકાત પણ નહોતી, ઊભી થઈ અને તેના પગમાં પડીને આજીજી પૂર્વક કહેવા લાગી કે, "મને માફ કરી દેજો કે હું આપના લાયક ન બની શકી. વાંક બધો મારો જ છે, હું આપની સેવા પણ ન કરી શકી" અને તેની તરફ એકીટશે હસરત ભરી નજરે જોવા લાગી. તેની આંખોમાં આંસુ હતા જે રોકાવાનું નામ જ નહોતા લેતા. તેની આ આધીનતા, આજ્ઞાકારિતા અને સાચો પ્રેમ તથા નિખાલસતા જોઈને તે માણસની આંખો ખુલી ગઈ. બસ જેવા જ અલ્લાહે તેના દિલની આંખો ખોલી, તે જલ્દીથી પોતાની પત્નીને લઈને હોસ્પિટલ તરફ ભાગ્યો. ડૉક્ટરે જલ્દીથી આ નેક દિલ મહિલાનું પેટ સાફ (Stomach wash) કર્યું, બધું ઝેર બહાર કાઢ્યું અને તે માણસ પણ અલ્લાહની સામે કરગરી પડ્યો અને પોતાની ભૂલો પર અલ્લાહના દરબારમાં માફી માંગી. અલ્લાહની કૃપા થઈ અને તેની પત્ની બચી ગઈ. તે પોતાની પત્નીને મોટા આદર અને સન્માન સાથે ઘરે લઈ આવ્યો. દિવસો બદલાયા, પત્નીની ધીરજ રંગ લાવી. હવે એ જ પતિ જે બીજાની સામે તેનું અપમાન અને નોકરાણી જેવું વર્તન કરતો હતો, તે અત્યંત આદર અને સન્માન કરવા લાગ્યો. પહેલા તેમના ઘરે જે પણ લોકો આવતા હતા, તે તેમની સામે પત્નીને નોકરાણી કહેતો હતો. હવે એ જ લોકો આવીને તેને પૂછે છે કે, "તારી નોકરાણી ક્યાં છે?" તો તે કહે છે, "તે સામે મારા ઘરની રાણી બેઠી છે, હવે મારી જિંદગી ખૂબ જ શાંતિપૂર્ણ છે...!!!"