ملفوظ: خدا تک پہنچنے کا آسان راستہ
*ملفوظاتِ حکیم الامت مجدد الملت حضرت مولانا محمد اشرف علی تھانوی رحمۃ اللہ علیہ*
*خدا تک پہنچنے کا آسان راستہ*
ارشاد فرمایا کہ ہم کو اپنی ناقص حالت پر قناعت نہ کرنی چاہیے بلکہ کمالِ دین حاصل کرنے کی کوشش کرنی چاہیے جس کا طریقہ یہ ہے کہ اعمال کو کامل کیا جائے، فرائض و واجبات کے بجالانے میں کوتاہی نہ ہو، محرمات کا ارتکاب نہ ہو اور اعمال کے کامل کرنے میں جو نفس کی مزاحمت مانع ہوتی ہے اس کا علاج کاملین کی صحبت اختیار کرنا ہے۔ ان کے پاس جانا چاہیے اور جا نہ سکے تو ان سے خط و کتابت کا تعلق رکھا جائے جس میں فضول قصے نہ لکھیں بلکہ اپنے کو مریض اور ان کو طبیب سمجھ کر اپنے حالات سے ان کو اطلاع کرتے رہیں۔ پھر اس کے بعد جو کچھ وہ بتلاویں اس پر عمل کریں اور ان کے احکام کا اتباع کریں۔ بس یہ راستہ ہے خدا تک پہنچنے کا جس سے زیادہ آسان راستہ کوئی نہیں بتلا سکتا۔
(الكمال في الدين للرجال، مواعظِ اشرفیہ، جلد۱، صفحہ ۲۶۰)
