હે નફ્સ (મન/આત્મા)! શું એવી મૂલ્યહીન અને તુચ્છ વસ્તુ પણ મેળવવાને લાયક છે જેને હલકામાં હલકો અને નીચમાં નીચ માણસ પણ મેળવી શકે છે, બલ્કે તેઓએ તેને મેળવી લીધી છે અને એટલી મોટી માત્રામાં મેળવી લીધી છે કે જો તું પચાસ વર્ષ પણ પ્રયત્ન કરીશ તો પણ તને નસીબ નહીં થાય? અને હે નફ્સ! જો તું દુનિયાથી મોઢું ફેરવીને આખિરાત (પરલોક) તરફ ધ્યાન આપીશ, તો યાદ રાખ કે તું દુનિયામાં બેમિસાલ અને તારા સમયમાં અજોડ બની જઈશ; તારો જોટો સાતેય લોકમાં (હફ્ત ઇકલીમ) પણ નહીં મળી શકે. તેથી હે નફ્સ! હવે તું જ કહે કે કઈ વસ્તુ મેળવવાને લાયક છે? હે નફ્સ! બરાબર યાદ રાખ કે તારાથી વધારે તારો હિતેચ્છુ કોણ છે? તું કોઈના કહેવા કે સાંભળવા પર ન જા, પરંતુ દુનિયા અને દીન (ધર્મ) બંનેના અંત અને પરિણામ પર જાતે જ વિચાર કરીને જવાબ આપ કે તારો રસ (ઝુકાવ) કઈ વસ્તુમાં છે?