કેન્દ્ર સરકારે બહુપ્રતિક્ષિત રાષ્ટ્રીય જનગણના (Census 2027) ની તારીખોની જાહેરાત કરી દીધી છે. દેશભરમાં જનગણનાનું કામ 25 જાન્યુઆરીથી 28 ફેબ્રુઆરી 2027 દરમિયાન પૂર્ણ કરવામાં આવશે. દેશમાં છેલ્લી વાર જનગણના 2011માં, એટલે કે 15 વર્ષ પહેલાં થઈ હતી.

મહત્વની તારીખો

સેલ્ફ-એન્યુમરેશન (સ્વ-ગણતરી): 10 થી 24 જાન્યુઆરી 2027

ઘર-ઘર જનગણના: 25 જાન્યુઆરીથી 28 ફેબ્રુઆરી 2027

સંદર્ભ તારીખ: 1 માર્ચ 2027ના રોજ મધ્યરાત્રિ 00:00 વાગ્યે

પુનરીક્ષણ તબક્કો: 1 થી 5 માર્ચ 2027

કયા રાજ્યો અને વિસ્તારોને શેડ્યૂલમાંથી બહાર રખાયા?

ભારતના રજિસ્ટ્રાર જનરલ અને સેન્સસ કમિશનર મ્રિત્યુંજય કુમાર નારાયણની અધિસૂચના મુજબ, વહીવટી કારણો અને ભૌગોલિક પરિસ્થિતિઓને કારણે આ રાજ્યો અને વિસ્તારો આ સમયગાળામાં સામેલ નથી:

મણિપુર (આગામી જાહેરાત સુધી)

ગોવા

ઉત્તર પ્રદેશ

પંજાબ

ઉત્તરાખંડ

લદાખ

હિમાચલ પ્રદેશ અને જમ્મૂ-કાશ્મીરના હિમવર્ષા પ્રભાવિત વિસ્તારો

બાકીના તમામ રાજ્યો અને કેન્દ્રશાસિત પ્રદેશોમાં નક્કી કરેલા સમયગાળામાં જનગણના થશે.

કાનૂની આધાર

જનગણના 'જનગણના અધિનિયમ, 1948' અને 'જનગણના નિયમ, 1990' હેઠળ થાય છે. સરકાર આ વખતે પૂછવામાં આવનારા પ્રશ્નોની યાદી પહેલાથી જ જાહેર કરી ચૂકી છે.

2021માં કેમ મુલતવી રખાઈ હતી જનગણના?

2021ની જનગણના બે તબક્કામાં થવાની હતી: પહેલો તબક્કો એપ્રિલ-સપ્ટેમ્બર 2020 અને બીજો ફેબ્રુઆરી 2021માં. 1 એપ્રિલ 2020થી ફિલ્ડ વર્ક શરૂ થવાનું હતું અને તૈયારીઓ પૂર્ણ હતી, પરંતુ કોરોના મહામારીના કારણે આ પ્રક્રિયા અનિશ્ચિતકાળ માટે મુલતવી રાખવામાં આવી હતી.