એક બાદશાહના દરબારમાં એક અજાણ્યો માણસ નોકરીની તલબ લઈને હાજર થયો, કાબિલિયત પૂછવામાં આવી, કહ્યું કે હું સિયાસી છું. બાદશાહ પાસે સિયાસતદાનોની ભીડ રહેતી હતી, તેને ખાસ ઘોડાઓના અસ્તબલનો ઇન્ચાર્જ બનાવી લેવામાં આવ્યો, જે હમણાં જ ફૌત થઈ ચૂક્યો હતો. થોડા દિવસ પછી બાદશાહે તેને પોતાના સૌથી મોંઘા અને અઝીઝ ઘોડા વિશે દરયાફ્ત કર્યું. તેણે કહ્યું નસ્લી નથી. બાદશાહને તઅજ્જુબ થયું, તેણે જંગલમાંથી સાઈસને બોલાવીને દરયાફ્ત કર્યું, તેણે જણાવ્યું, ઘોડો નસ્લી છે પરંતુ તેના જન્મ વખતે તેની માતા મરી ગઈ હતી, આ એક ગાયનું દૂધ પીને તેની સાથે ઊછર્યો છે. મુસાહિબને બોલાવવામાં આવ્યો. તમને કેવી રીતે ખબર પડી કે ઘોડો નસ્લી નથી? તેણે કહ્યું, જ્યારે આ ઘાસ ખાય છે તો ગાયોની જેમ માથું નીચે કરીને, જ્યારે કે નસ્લી ઘોડો ઘાસ મોઢામાં લઈને માથું ઊંચું કરી લે છે. બાદશાહ તેની ફિરાસતથી ખૂબ મુતઅસ્સિર થયો અને તેના ઘરે અનાજ, ઘી, શેકેલા દુંબા અને પક્ષીઓનું ઉત્તમ ગોશ્ત ઇનામ તરીકે મોકલાવ્યું. તેની સાથે-સાથે તેને મલિકાના મહેલમાં તૈનાત કરી દીધો.
થોડા દિવસો પછી બાદશાહે મુસાહિબ પાસે બેગમ વિશે રાય માગી. તેણે કહ્યું, તૌર-ઓ-અતવાર તો મલિકા જેવા છે પરંતુ શહઝાદી નથી. બાદશાહના પગ નીચેથી જમીન સરકી ગઈ. તેણે તરત જ સાસુને બોલાવી મોકલી. મામલો તેના કાને નાખ્યો. સાસુએ તસ્દીક કરી દીધી. તેણે કહ્યું કે આ હકીકત છે, તમારા પિતાએ મારા ખાનદાન પાસે અમારી દીકરીના જન્મ વખતે જ સંબંધ માગી લીધો હતો પરંતુ અમારી દીકરી 6 મહિનાની ઉંમરે જ ફૌત થઈ ગઈ હતી. એટલે અમે તમારી બાદશાહત સાથે નજીકના સંબંધો સ્થાપવા માટે કોઈની બાળકીને પોતાની દીકરી બનાવી લીધી.
બાદશાહે મુસાહિબ પાસે દરયાફ્ત કર્યું કે તેને મલિકા શહઝાદી ન હોવાનું કેવી રીતે ઇલ્મ થયું તો તેણે કહ્યું કે મલિકાનો ખાદિમો સાથેનો વર્તાવ જાનવરો કરતાં પણ બદતર છે. શહઝાદીઓ આવો વર્તાવ કરતી નથી.
બાદશાહ તેની ફિરાસતથી ખાસ્સો મુતઅસ્સિર થયો. એક વાર ફરીથી ઘણું બધું અનાજ અને ભેંસો ઇનામ તરીકે આપી અને તેને પોતાના દરબારમાં મુતઅય્યન કરી દીધો. થોડો સમય પસાર થયો તો મુસાહિબને ફરીથી બોલાવી મોકલ્યો અને પોતાના વિશે દરયાફ્ત કર્યું. મુસાહિબે કહ્યું, જાનની અમાનનું વચન આપો. બાદશાહે વચન આપ્યું તો બોલ્યો, ન તમે બાદશાહ-ઝાદા છો અને ન તમારું ચલન બાદશાહોવાળું છે, બાદશાહ ગુસ્સે થયો પરંતુ જાનની અમાન આપી ચૂક્યો હતો. સીધો માતાના મહેલ પહોંચ્યો, માતાએ કહ્યું સાચું છે. તમે એક ભરવાડના દીકરા છો. અમારે સંતાન ન હતું તો તમને લઈને ઉછેર્યા હતા.
બાદશાહે મુસાહિબને બોલાવ્યો અને પૂછ્યું કે તેને કેવી રીતે ખબર પડી. તેણે કહ્યું બાદશાહ જ્યારે કોઈને ઇનામ-ઇકરામ આપે છે તો હીરા, મોતી અને ઝવેરાતના રૂપમાં આપે છે પરંતુ તમે ભેંસ, બકરીઓ અને અન્ય ખાવાની ચીજો ઇનાયત કરો છો. આ ઉસ્લૂબ બાદશાહ-ઝાદાનો નથી હોતો, બલ્કે કોઈ ભરવાડના દીકરાનો જ હોઈ શકે છે.
---------Islamic Tube Pro---------
પુસ્તક: કામયાબ તાલિબ ઇલ્મ કી ૭૫ અચ્છી આદતેં (સફળ વિદ્યાર્થીની ૭૫ સારી ટેવો)
પૃષ્ઠ નંબર: ૪-૫
લેખક: મૌલાના મુફ્તી મુનીર અહમદ સાહેબ
પસંદગી: ઇસ્લામિક ટ્યૂબ પ્રો એપ
