یٰۤاَیُّهَا الَّذِیْنَ اٰمَنُوْا لَا تَاْكُلُوْۤا اَمْوَالَكُمْ بَیْنَكُمْ بِالْبَاطِلِ اِلَّاۤ اَنْ تَكُوْنَ تِجَارَةً عَنْ تَرَاضٍ مِّنْكُمْ وَ لَا تَقْتُلُوْۤا اَنْفُسَكُمْ اِنَّ اللّٰهَ كَانَ بِكُمْ رَحِیْمًا(۲۹)(سورۃ النساء)
અનુવાદ
હે ઈમાન વાળાઓ ! આપસમાં એકબીજાના માલ નાહક રીતે ન ખાઓ, સિવાય કે કોઈ વેપાર પરસ્પર સંમતિથી અસ્તિત્વમાં આવ્યો હોય (તો તે જાયઝ છે) અને પોતાની જાતનું કત્લ ન કરો. યકીન રાખો અલ્લાહ તમારા પર ખૂબ મહેરબાન છે.(૨૯)(સૂરહ અન-નિસા)
એટલે કે: આનો સાદો અર્થ તો એ છે કે જેવી રીતે બીજાનો માલ નાહક રીતે ખાવો હરામ છે, કોઈનો જીવ લેવો તેનાથી વધુ હરામ છે. બીજાનો જીવ લેવાને પોતાની જાતનું કત્લ કરવાથી દર્શાવીને (તાબીર કરીને) એ તરફ પણ ઈશારો થઈ ગયો કે બીજાને કત્લ કરવો એ આખરે પોતાની જાતને જ કત્લ કરવા બરાબર છે ; કારણ કે તેના બદલામાં ખુદ કાતિલ કત્લ થઈ શકે છે, અને જો અહીં કત્લ ન પણ થાય તો આખિરતમાં તેની જે સજા મળવાની છે તે મોત કરતાં પણ બદતર હશે. આ રીતે આ કથનથી આત્મહત્યા (ખુદકુશી)ની મનાઈ પણ સ્પષ્ટ થઈ ગઈ. વળી, બીજા કોઈનો માલ નાહક ખાવાની સાથે આ વાક્ય લાવવાથી એ તરફ પણ ઈશારો સંભવ છે કે જ્યારે નાહક માલ ખાવાનો રિવાજ સમાજમાં (મુઆશરામાં) આમ થઈ જાય, તો તેનું પરિણામ સામૂહિક આત્મહત્યાના રૂપમાં નીકળે છે.(આસાન તર્જુમા-તુલ-કુરઆન)
