اَلَاۤ اِنَّ اَوْلِیَآءَ اللّٰهِ لَا خَوْفٌ عَلَیْهِمْ وَ لَا هُمْ یَحْزَنُوْنَۚۖ(۶۲)(سورۃ یونس)
અનુવાદ
યાદ રાખો કે જેઓ અલ્લાહના મિત્રો (ઓલિયા) છે તેમને ન કોઈ ભય (ખૌફ) હશે અને ન તેઓ શોકગ્રસ્ત (ગમગીન) થશે. (૬૨) (આસાન તરજુમા કુરાન)
એટલે કે: અલ્લાહના મિત્રની સ્પષ્ટતા (તશરીહ) આગલી આયતમાં કરી દેવામાં આવી છે કે આ એવા લોકો છે જેઓ ઈમાન અને તકવા (પરહેઝગારી) ના ગુણો ધરાવે છે. તેમના વિશે આ ફરમાવવામાં આવ્યું છે કે તેમને ન તો ભવિષ્યનો કોઈ ભય હશે, અને ન તો ભૂતકાળની કોઈ વાતનું કોઈ દુઃખ હશે. કહેવા માટે આ એક ટૂંકી વાત છે, પરંતુ જો જોવામાં આવે તો આ એટલી મોટી નેમત (કૃપા) છે કે દુનિયામાં તેની કલ્પના પણ કરી શકાતી નથી. કારણ કે દુનિયામાં દરેક માણસને, ભલે તે ગમે તેટલો સુખી હોય, દરેક સમયે ભવિષ્યનો કોઈ ને કોઈ ભય અને ભૂતકાળનું કોઈ ને કોઈ દુઃખ પરેશાન કરતું જ રહે છે. આ નેમત માત્ર જન્નતમાં જ પ્રાપ્ત થશે કે માણસ દરેક પ્રકારના ભય અને આઘાત (સદમા) થી બિલકુલ આઝાદ થઈ જશે. (આસાન તરજુમા કુરાન)
