કુરાનની આયત

અને અલ્લાહ લોકોને સલામતીના ઘર તરફ દાવત (આમંત્રણ) આપે છે, અને જેને ચાહે છે સીધા રસ્તા સુધી પહોંચાડી દે છે. (૨૫) (આસાન તર્જુમતુલ કુરઆન) એટલે કે: સલામતીના ઘરથી મુરાદ જન્નત છે, તેથી અલ્લાહ તઆલા તરફથી દાવત તો તમામ ઇન્સાનો માટે આમ (સામાન્ય) છે કે તેઓ ઈમાન અને અમલે સાલેહ (નેક કાર્યો) દ્વારા જન્નત હાસિલ કરે, પરંતુ ત્યાં સુધી પહોંચવાનો જે સીધો રસ્તો છે, ત્યાં સુધી અલ્લાહ તઆલા તેને જ પહોંચાડે છે જેને તે પોતાની હિકમત (ડહાપણ) થી ચાહે છે. અને તેની હિકમતનો તકાજો એ છે કે તેને જ પહોંચાડવામાં આવે જે પોતાના ઈખ્તિયાર (ઈચ્છાશક્તિ) અને હિંમતને કામમાં લાવીને જન્નતની જરૂરી શરતો પૂરી કરે. (આસાન તર્જુમતુલ કુરઆન)