وَ اقْصِدْ فِیْ مَشْیِكَ وَ اغْضُضْ مِنْ صَوْتِكَ اِنَّ اَنْكَرَ الْاَصْوَاتِ لَصَوْتُ الْحَمِیْرِ۠(۱۹)(سورۃ لقمان)
અનુવાદ
અને પોતાની ચાલમાં એતદાલ (મધ્યમ ગતિ) ઇખ્તિયાર કરો અને પોતાનો અવાજ ધીમો રાખો, બેશક સૌથી ખરાબ અવાજ ગધેડાઓનો અવાજ છે. (૧૯) (આસાન તર્જુમતુલ કુરઆન)
એટલે કે: ઇન્સાનને મધ્યમ ગતિથી ચાલવું જોઈએ, ગતિ ન તો એટલી ઝડપી હોવી જોઈએ કે તે દોડવાની નજીક પહોંચી જાય અને ન તો એટલી ધીમી કે સુસ્તીમાં ગણાય. ત્યાં સુધી કે જ્યારે કોઈ વ્યક્તિ જમાઅત સાથે નમાઝ પઢવા જઈ રહ્યો હોય, તો તેને પણ આંહઝરત ﷺ એ દોડવાની મનાઈ ફરમાવીને ગરિમા (વકાર) અને શાંતિ સાથે ચાલવાની તાકીદ ફરમાવી છે.
અને: અવાજ ધીમો રાખવાનો અર્થ એ નથી કે માણસ એટલું ધીમું બોલે કે સાંભળનારને તકલીફ પડે, પરંતુ તેનો અર્થ એ છે કે જેને સંભળાવવાનો હેતુ છે તેમના સુધી અવાજ સ્પષ્ટતા સાથે પહોંચી જાય. પરંતુ તેનાથી વધારે ચીસો પાડીને બોલવું ઇસ્લામી શિષ્ટાચારની વિરુદ્ધ છે. ત્યાં સુધી કે જો કોઈ વ્યક્તિ દર્સ (પાઠ) આપી રહ્યો હોય કે વાઅઝ (ઉપદેશ) કરી રહ્યો હોય, તો તેનો અવાજ એટલો જ ઊંચો હોવો જોઈએ જેટલો તેના શ્રોતાઓને સાંભળવા અને સમજવા માટે જરૂરી હોય, તેનાથી વધારે અવાજ વધારવાની પણ આ આયત હેઠળ વડીલોએ મનાઈ ફરમાવી છે. આ હુકમ પર ખાસ કરીને એવા હઝરાતોએ વિચાર કરવાની જરૂર છે જેઓ વગર જરૂરિયાતે સ્પીકરનો ઉપયોગ કરીને લોકો માટે તકલીફનું કારણ બને છે. (આસાન તર્જુમતુલ કુરઆન)
