કુરાનની આયત

યકીની વાત છે કે આસમાનો અને ઝમીનનું પેદા કરવું ઇન્સાનના પેદા કરવા કરતાં વધુ મોટું કામ છે, પરંતુ મોટાભાગના લોકો (આટલી પણ વાત) સમજતા નથી.(૫૭)(આસાન તર્જુમા-તુલ-કુરઆન) એટલે કે: મુશરિકીને અરબ માનતા હતા કે આસમાન અને ઝમીન બધું અલ્લાહ તઆલાનું પેદા કરેલું છે. અલ્લાહ તઆલાની આટલી અમથી વાત તેમની સમજમાં નથી આવતી કે જે ઝાત આટલી અઝીમુશ્શાન ચીજો અદમમાંથી વજૂદમાં લાવી શકે છે, તેના માટે ઇન્સાનને ફરીથી પેદા કરવા શું મુશ્કેલ છે. ચુનાંચે આ સ્પષ્ટ વાતનો પણ તેઓ ઇનકાર કરે છે.(આસાન તર્જુમા-તુલ-કુરઆન)